«BaskanPower» ЖШС су электр станциялары үшін көміртегінің орнын толтыру құжаттамасын валидациялау

2024-09-30 17:00

2024 жылдың қыркүйек айында ЖШС «ЭКО-Астана НР» «BaskanPower» ЖШС су электр станциялары үшін көміртегінің орнын толтыру жобасының мониторинг жоспарын/жобалау құжаттамасын Валидациялау қызметтерін көрсетті.

Жоғарғы-Басқан су электр станциялары-2, 3 Басқан өзенінің бойында Жетісу ауданы, Екіаша ауылының маңындағы көрікті жерде орналасқан. Станциялар өзеннің жоғарғы бөлігіндегі үш су электр станциясының каскадты кешенінің екінші және үшінші сатысы болып табылады. Жалпы орнатылған қуат 14,9 МВт.

ҚР СТ ISO 14064-3 стандартына сәйкес валидация принциптерінің сақталуын қамтамасыз ету мақсатында «ЭКО-Астана НР» ЖШС валидация және верификация органының валидаторлары жобаны ұсынушылар берген деректерді тексеру және растау үшін нысанға бару жұмыстарын жүргізді.

Жұмыстың қорытындысы бойынша Сараптамалық қорытынды шығарылды.